親子

小家庭。港九新界自駕遊 X Ford Ranger農夫車

由: daidai      親子 > 親子活動
發表于: 2016-06-27 15:04:50      Like     瀏覽次數:227


 

 

真係好開心呀~ 無車一族的我們今日有機會可以「自駕遊」,坐上好有型既Ford Ranger農夫車遊足全港,非常感謝Ford汽車公司和公關姐姐的安排,借車和請埋司機叔叔帶我地玩足一日!

 

皮皮好中意坐車,佢好中意認地方的,好中意睇風景,出街玩真係佢至精!玩少日會喊架(≧∇≦)~ 同時又跟爸爸提前慶祝父親節,雖然睇落皮皮係開心D,但爸爸話阿仔開心佢就開心,阿仔話去邊就帶佢去邊,鍚到皮皮燶❤️

 

 

 

難得有車,真係要行足港九新界先至滿足!由家出發,首先經過我們每天必經的青馬大橋,然後是昂船洲大橋和尖山隧道,再到吐露港,知唔知我地去邊呢?~~

 

 

 

第一站我地去到大埔小白鷺餐廳lunch,皮皮第一次來這裡,我和皮爸以前拍拖都來過~對於我們來說這裡變化不大,環境仍很優美,但皮皮就好興奮雀躍,因為餐廳看出便見火車經過,邊吃邊看風景真是好寫意呀~

 

 

 

 

食物質素還不錯,兒童餐好大份好豐富呢!皮皮還吃了很多~

 

兒童餐價錢$108,其他午餐大約$148-$188,間唔中豪一次都OK的~

 

 

 

食完飯便到小白鷺戶外中心走走,在這裡拍照真是好美啊~

 

 

 

 

如果天氣好仲可以在湖中坐船仔,不過我去那天雷暴警告沒水上活動玩。

 

 

 

 

園內還有小山羊,小朋友可以來餵下山羊仔,飼料$10一份合理的。

 

 

 

另外還有小店賣下小手工和特色紀念品~

 

 

 

可愛的小貓咪躲在小花叢中,很是悠閒自得~

 

 

 

然後上車去第二站啦!

 

 

 

第二站我地去左大尾篤堤霸,呢度既空氣真係零舍清新!

 

 

 

 

皮爸話佢後生果時踏過單車來玩,我還是第一次來(≧∇≦)皮皮建議下次要踏家庭單車來玩,踏到去馬鞍山!

 

 

 

皮皮背面是船灣淡水湖,是全港最大的水塘,又可以跟小朋友上一下常識課~

 

 

 

今日天氣真係麻麻~ 但都好多人玩滑浪風帆!我想好天來影相一定靚爆!

 

 

 

 

去過很美的大尾篤,下一站來到鯉魚門三家村,又是皮皮第一次來的地方~

 

 

 

平時住得遠的我們真係好少去到九龍東,來到這裡終於沒下雨啦!

 

 

 

皮皮一見到個燈塔,就要嚷著上去看看~

 

 

 

爬上燈塔咁高一D都唔驚~

 

 

 

 

三家村這裡主要是來吃海鮮,看出便是大海,石灘的風景蠻特別的,對出是筲箕灣,可以望到海防博物館!

 

 

 

一路沿村路入,行到最尾會見到天后宮,皮皮見到大炮覺得好有趣即刻邀請我坐上合照呀!

 

 

 

不少大石更刻上大字,居住在巿區的小朋友覺得很新奇!要攀上大山上~其實有小路上去,唔算危險的。

 

 

 

皮皮比較感興趣是三家村的小村屋,因為平時很少機會見到古舊一點的房子~

 

 

 

這裡有個小型兒童遊樂場可以放下電~

 

 

 

仲有跳飛機!但點解唔順號碼既?點玩架?

 

 

 

村內還有一個鯉魚門創意館,記錄鯉魚的發展和歷史,有興趣可以入內參觀。

 

 

 

還有古老的願望樹,來到許個願啦!不經不覺已玩到黃昏,離去時再坐上Ford Ranger 去最終目的地~

 

 

 

晚上我們到銅鑼灣吃燒肉,很滿足的一天,放題燒肉再另文分享~

 

 

 

今日真係好開心,由朝到黑坐著Ford Ranger農夫車周圍玩!

 

 

Ford Ranger 最特別是有車斗可以放大型物件,啱哂中意露營、踏單車的小家庭~ 在Instagram 看過 #FordRanger 呢個Tag,呢架車原來在外國好普遍,真是有農夫用來運送耕種工具和收成,唔怪得叫農夫車啦!

 

在香港就較少見,如果香港爸爸們駕著Ford Ranger 一定好有型!

 

 

 

媽媽我不太懂車,所以性能等汽車資料可以上返Ford網頁睇睇~我和皮皮就覺得車箱好寬敞,坐得好舒服!

 

 

 

 

再次謝謝Ford的安排,唔知爸爸會唔會考慮買返架車,載我地周圍玩啦!有車真是很方便,很多地方都能去到,尤其是有小朋友呀!

 

 

 

 

https://youtu.be/F2cUKin7iCQ

 

最後送上影片,分享我們皮家假日去玩既Vlog!click 入去睇下啦!媽媽我還是剪片初哥,唔多識玩YouTube,片有點濛,下次有機會拍得更好,請大家多多支持!

 

 

比埋車的資料給大家~

 

Ford Grand C MAX - 7 人車(更適合香港家庭~)

http://www.hkford.com/eng/grand_cmax/index_cn.html

 

 

 

 

又來水蛇春文章,謝謝收看(≧∇≦)

 

 

 

 

 

關於daidai & pipi
Daidai & pipi 的快樂魔法


博客:

Beauty Exchange .  she.com . elle . WeShare . ubeauty .  Miniwise

 
 

instagram:daidaipipi

相關文章

留言: