親子

【親子沖繩體驗之旅】名護菠蘿園

由: KinseyMaMa      親子 > 親子活動
發表于: 2016-07-15 09:50:04      Like     瀏覽次數:4153


25 JUNE 2016(SAT)

終於嚟到我地今日第一個活動地點,就係名護菠蘿園,聽個名就知係同菠蘿有關啦~

 
其實未嚟沖繩之前,我身邊嘅朋友都有同我講話沖繩菠蘿係好有名,或者因為係氣候加上土質,所以依度嘅菠蘿係特別有名,出名又甜又多汁。不過我又真係估唔到佢地有成個地方嚟介紹菠蘿,感覺又真係幾特別哦!

導遊哥哥先為我地簡單介紹場內嘅重點項目,哈哈哈...小小豬就好似一個好乖嘅小朋友係度好俾心機咁聽書~
 
 
之後我地就準備出發睇菠蘿,之前小小豬點解咁留心聽書?咪因為導遊哥哥講左過我地係坐一部小型電動車去參觀菠蘿園。一聽到有得渣車,依個小小豬仲唔即刻心心眼,勁興奮咁入場啦~ 
 
 
同菠蘿BB講拜拜之後,我地就出發去睇菠蘿啦~
 
 
其實我地依部小型電動車係全自動嘅,有固定嘅行車路線,所以就可以滿足一下小小豬愛渣車嘅慾望~ 
 
 
我地沿路都睇到好多唔同種類嘅菠蘿,而且配合電動車上嘅國語介紹,所以都大約知知地係啲咩品種。不過唯一就係車設定行得快左啲啲,所以部分特式菠蘿都睇唔清楚呀~ 
 
 
我地沿路都睇到好多唔同種類嘅菠蘿,而且配合電動車上嘅國語介紹,所以都大約知知地係啲咩品種。不過唯一就係車設定行得快左啲啲,所以部分特式菠蘿都睇唔清楚呀~ 
 
 
依個咁攪笑嘅公仔就係沖繩嘅守護石 - 石敢當,家家戶戶都有佢地擺出佢地嘅公仔,咁就可以保平安啦~
 
 
行左一陣就會見到一間小房間,可以俾我地休息一陣兼涼涼冷氣~
 
 
其實依度係一個小小嘅表演場地,會有菠蘿劇場同埋集郵活動,不過我地今日時間唔啱冇得睇,不過場內都有汽球哥哥為送汽球俾小朋友呀~
 
 
我地仲趁休息時間去左一串冰凍菠蘿,真係又甜又多汁,好好食呀~
 
 
原來全個菠蘿都可以用嚟用副產品,唔睇都唔知道呀~
 
 
原來場內都有一個具殼展示館,有時間就當然要去八卦下啦~
 
 
入面嘅具殼都幾多唔同種類,好多都好少見,就連小小豬都問點解可以有咁多款,又話自己好多都未見過,總之佢就係不停咀啦(咁都係一件好事,起碼佢有好奇心同埋觀察力,所以我地由佢問啦...哈哈)~
 
 
場內有一部影相機可以扮菠蘿,當然又玩一陣啦,係出口處可以買返張相嚟留念,不過師奶仔的我當然係.....影左就當買左啦~
 
 
沿住菠蘿門就係去購物點同埋出口,途中都有啲同菠蘿有關小遊戲,全部係日本小小豬又點會識呢,不過佢一樣玩得開心,真係俾佢笑C呀~
 
 
我地終於行到購物點,基本上全部都係菠蘿嘅產品,於是我就自己去SHOPPING,佢地兩父子就不停試食..試飲再試食~
 
原個菠蘿真係好想買返香港,不過我仲有兩日先返香港,再加上天氣又勁熱,所以都係放棄依個念頭了~
 
 
可愛嘅菠蘿BB,好想帶埋佢返屋企呀~
 
 
最後我地就買左杯菠蘿雪糕,勁香菠蘿又唔太甜,我都忍唔住自己買左一杯慢慢食,真係好滋味呢~
 
 
帶住勁滿足嘅心情就向下一個目的地出發,依個亦都係小小豬期待嘅節目之一,就係去元氣本部村親親小海豚啦!
相關文章

留言: