親子

【一日可以環遊世界】挪亞方舟 玩轉開心地球村

由: KinseyMaMa      親子 > 親子活動
發表于: 2016-08-08 12:46:09      Like     瀏覽次數:235


24 JULY 2016(SAT)

自沖繩之旅後,小小豬成日都問我幾時再去旅行。見佢咁鐘意,好啦就等我帶佢一次過環遊世界啦! 哈哈哈....其實我只係帶左小小豬入挪亞方舟玩佢地最新嘅活動「玩轉開心地球村」呀~
 
其實挪亞方舟每一個節日都會有唔同主題活動,今個暑假佢地就安排左一連串與世界各地嘅風士人情有關嘅活動,等小朋友可以邊玩邊了解國家嘅特式呀!

同之前幾次一樣,只要購買入場卷後,每位小朋友就可以係入場時均獲派「活動通行證」,只要根據自己嘅興趣,依照場內派籌時間拎玩樂貼紙就可以玩,如果時間計算得好,應該可以玩晒大部分嘅遊戲添。 

 
第一站我地就嚟到德國,先嚟換上德國傳統服裝,帶起手風琴,齊齊嚟「德國風情大合奏」~

 
一班小朋友跟住德國老師齊齊學奏兩首簡單嘅德國民族歌謠~
 
可能小小豬學緊鋼琴,而手風琴同鋼琴嘅原理都係差唔多,所以佢都玩得幾投入同享受~ 
 
最後仲要扮叻咁要出嚟表演添~
 
接住我地就去亞馬遜進發,因為我地要去參加「亞馬遜動物騎騎樂」~ 
 
每位小朋友可以騎住電動動物係花園內周圍走,但其實佢地都唔係隨便行,因為在場有負責姐姐會小朋友介紹亞馬遜嘅動物,之後小朋友就要係花園內搵返有關動物呀~ 
 
雖然天氣係熱左少少,不過大家都好落力咁騎住動物周圍走,都好投入哦~
 
之後就係大人同小朋友都好鐘意節目,因為可以嘆住冷氣睇「亞洲廚神奇趣劇」~ 
 
兩位廚神以不同嘅亞洲造形,混合魔術同雜技表演,睇到全場小朋友都哈哈大笑~ 
 
小小豬仲自告奮勇咁要表演埋一份添~  
 
雖然係簡簡單單,但睇得出兩位廚神都好用心為一眾小朋友演出,所以都好值得俾多幾個LIKE佢地呀~
 
接住小小豬就換上蘇格蘭裙,學做一個小鼓手,齊齊「蘇FUN軍鼓操」~ 
 
樂譜用生果嚟教,生果名就有幾多個字就打幾多下,唔好話小朋友,我地旁聽家長都非常入腦啦~
 
小小豬依家學緊打鼓,所以佢都幾鐘意,不停打..打...打....打鼓呀~
 
學識兩首歌仔就可以好似傳統慶典咁齊齊表演啦~ 
 
之後我地就做啲靜態活動,就係去扮印第安人,整頂印第安頭飾嘅「印第安變臉工作坊」~ 
 
一向小小豬勞作就係最差,次次叫佢都十萬個唔願意地做,估唔到今次又幾乖仔,完全零投訢之下完可以完成,唔知係因為大個仔左,定係SY哥哥在場佢有個陪呢~ 
 
有左頂靚帽就等姐姐幫佢化個靚妝~ 
 
變成個印第安咁啦...靚仔嗎~ 
 
最後一個工作坊就係「和風扇DIY」,負責哥哥都有同我地介紹一下充滿日本風情嘅和風扇來源,不過小小豬一見枱上材料就即刻開工啦~ 
 
先嚟係畫紙上做個草稿先~ 
 
小小豬好滿意佢嗰三條肥魚,所以就照畫係和風扇上~ 
 
小小豬佢自己非常滿意佢嘅製成品,仲不停讚靚,真係自戀到一個極點呀~
 
玩完工作坊我地就去大變身,因為我地去左「百變萌族自拍區」即場著上唔同民族服裝,之後即場Selfie。
 
其實都有好幾國家服裝可以任選,不過最後小小豬揀左韓國、日本同美國西部牛仔,佢嘅打扮有型嗎~
 
開開心心又玩左一日,小小豬仲一啲都唔攰,係回程旅遊巴上仲可以同SY哥哥繼縯玩,仲要約埋下次再齊齊嚟玩,小朋友真係精力無限!


More information :玩轉開心地球村@挪亞方舟
日期:  2016年7月21日至8月28 日(逢星期四至日)**部份活動於指定日子舉行

時間: 上午10時至下午6時
入場費: 成人HK$168;小童及長者HK$138 (入場後免費自由參加
)

關於活動時間表,可到以下網址查閱:
星期四/五: http://www.noahsark.com.hk/tra/pdf/Timetable_ThurFri.pdf
星期六/日: http://www.noahsark.com.hk/tra/pdf/Timetable_SatSun.pdf

Website: http://www.noahsark.com.hk
Facebook:https://www.facebook.com/noahsark.hk/?fref=ts

相關文章

留言: