親子

【生日澳門之旅】玩轉兔斯基運動會@澳門銀河

由: KinseyMaMa      親子 > 親子活動
發表于: 2016-09-10 00:00:00      Like     瀏覽次數:203


26 AUGUST 2016(FRI)

貪玩嘅我就趁生日依個懶係嘅大日子,就拉大隊過澳門玩返兩日,實行繼續玩埋個暑假,咁先係放暑假應有嘅態度嘛! 

我地今次入住澳門銀河,係未上房間之前,第一個目就係去集郵,因為兔斯基嚟左依攪運動會呀~
 
唔講唔知.....原來兔斯基有十歲啦(哈哈哈..我係其中一個唔知嘅人,我只知道兔斯基係好可得意呀!),為左依個大日子,成班兔斯基嚟咗澳門開運動會呀! 

一聽到有公仔影,我呢個影相控當然係唔會放過我,就即刻嚟影反轉先得!

 
兔斯基嘅運動場就係「澳門銀河」東翼廣場內,就係美食廣場旁邊都好易搵。沿途仲有唔同扮相嘅兔基斯帶路添~

 
行到我地嘅目的地,好多兔基斯等緊我地啦~ 
 
三口子齊齊扮觀眾為各兔斯基健兒打打氣先~ 
 
就係依個時候我地匯合埋SY哥哥,兩個小男生就係跑道上齊齊比賽跑步。佢地真係精力何其充沛,我都唔記得佢地跑左幾多個圈,如果唔係我地叫佢地停一停影下相,我估佢地可以繼縯NON-STOP咁跑呀,不過小男生就係咁,有得跑先開心嘛~
 
兔斯基都幾忙碌,一次過參加晒射箭、推鉛球、跨欄、拳擊同舉重,又真係幾忙哦,不過忙還忙,佢啲造型都不仍然係咁得意呀~
 
係我地影緊相嘅時候,估唔到可以兔斯基跳緊入嚟,小小豬當然一支箭咁行拖手仔啦~
 
有得集郵我同小小豬都唔會放過,因為兔斯基平日真係好少機會見到佢呀~ 
 
係運動場之外,原來仲有一個寂寞嘅兔斯基係度釣魚,兩個小男生好似對佢個紅蘿蔔有興趣啲哦~ 
 
最後DADDY出動先,先可以同紅蘿蔔SAY個HI呀~ 
 
唔覺唔覺我地又影左一個鐘,之後我地就上酒店房間休息一陣,之後又再出發啦(我地去邊?下篇再同大家分享啦)~
 
兔斯基躍動世界會展覽至10月23日,如果大家計劃左嚟到澳門銀河,咁就記得嚟東翼廣場,同兔斯基影相每半小時兔斯基真身就會出嚟同大家影相,而每日12:30至19:30每小時一場啦啦隊大巡遊,兔斯基仲會為大家表演添呀!

相關文章

留言: