飲食

特式點心の飲茶記 ❤ Yum Cha

由: Kami      飲食 > 餐廳食評
發表于: 2017-07-16 00:00:00      Like     瀏覽次數:15


係朗豪坊搵食真係好多選擇~~
但係夜晚食飯又想食下點心咁點算???

大家可以去朗豪坊 4樓既【飲茶 YUM CHA】
無論幾點都可以食到點心嘆到茶啦~~~

入面裝潢時尚, 各個位置都有很多可愛又特別既公仔圖畫!!!
加上旺角區既關係, 人流很多, 到來的客人也好多"*

食點心梗係要飲茶, 茶方面都有幾款可以選擇;
今次我地就揀左玄米茶"*

先黎個小食先:干媽蘿蔔

切成一粒粒既蘿蔔糕, 十分足料;
再以香辣既干媽醬炒成, 惹味又過隠!!!

呢三款就係佢地既招牌點心, 賣相得意又可愛:
❤ 睇住流奶  ❤ 一籠八戒  ❤ 紅都面埋

整成豬樣既【一籠八戒】其實係叉燒包黎, 的確幾貼切!!!
而【睇住流奶】明正言順係流沙奶皇包, 一篤佢就已經流哂出黎;
味道唔會過甜, 入面仲係熱辣辣的, 有得玩又有得食~~~

新製作既【紅都面埋】就係麻辣豬肉包;
用左麻辣調味而成, 味道都辣辣地架!!
外型有兩隻精靈既眼仔同埋蝴蝶結, 賣相十分可愛"*

這個鳥籠裝著的叫做【鴿吞鳳梨】
其實佢係鳳梨酥, 鬆化既外皮, 咬開後有甜酸度適中既鳳梨蓉;
味道不錯, 加上可販既賣相, 食落特別開心!!!

呢盤【成砵辣牛】一望只係見到辣椒;
感覺好似水煮牛肉咁~~~

其實味道挺辣的, 除左牛肉片外, 入面仲有薯粉~~
薯粉已經入哂味啦, 麻麻辣辣咁挺惹味!!!

另一款新菜式:一槌定雞
用鹽巴包住隻雞黎焗, 侍應會用槌扑開外層;
就會見到用荷葉包住既全隻雞~~

打開後香噴噴既荷葉味, 再淋上醬汁就可食啦~~~
入面仲有雜菇, 雞肉挺鮮又嫩滑!!!
呢度菜式都幾特別"*

最後呢度仲有甜點, 呢杯係【椰汁紅豆+棉花雲】
天藍色既棉花糖, 好似雲一般好靚;
下層係椰汁紅豆杯, 味道唔會太甜, 很中式既感覺, 挺不錯!!!

總括黎講, 食物既味道都唔錯;
就連濕紙巾既包裝都係以玩野既風格!!
另外食物賣相夠可愛又特別, 同小朋友黎的確唔錯~~


飲茶 Yum Cha
地址:旺角亞皆老街8號朗豪坊4樓7號舖

相關文章

留言:



熱爆文章